في المكسيك اجتمعوا ناس في الأسبوع الماضي من كل العالم يبحثون موضوع البيوت والمساكن، ويبين أن العالم كله يشتكي من قلة البيوت الشعبية، وما دام الأمر كذا فالحشر مع الناس عيد.
وزير الأشغال مالنا كان موجود في هاذيك البرزة، وخطب فيهم خطبة زينة، خبرهم فيها أن في دولة الإمارات أصبح 85% من السكان يعيشون في مساكن متحضرة، والمساكن المتحضرة هذي معناها البيوت الشعبية والشقق والفلل الصغيرة والكبيرة والقصور أيضاً. هذي كلها على بعضها اسمها بيوت متحضرة. وعندنا سؤال ما نريد نوجهه لوزير الأشغال لأنه مثل ما يبين أدى اللي عليه واللي ما يقدر وسوى بيوت لـ85% من الناس. ولهذا لازم نوجه سؤالنا للمسؤولين كلهم مب لوزير الأشغال بس، والسؤال هو: عرفنا وين يسكن 85% من الناس، ممكن تخبرونا وين يسكن الـ15% الباجين؟.
* نشر في الأزمنة العربية بتاريخ 14/5/1980
ليست هناك تعليقات:
إرسال تعليق